NON GOGOA, HAN ZANGOA

Ez du huts egiten. Scorsese beti maisu. Zezen basatiaren (Toro Salvaje) asmatzaileak, beste behin ere, aho bete hortz utzi gaitu bere maisu lan berriarekin, Shutter Island.

Hasieratik bukaerararte gozatzeko gozokia dugu Hitchcock handia gogora ekartzen digun filme hau. Eromenaren eta osasun-mentalaren artean eta identidade faltsukerian oinarritzen den thriller honek hotzikarak eragingo dizkio pantaila aurrean jarriko den orori.

Gerra hotzaren garaian, Teddy Daniels (Leonardo DiCaprio) agente federalak, bere etxea utzi, eta Boston-go Shutter Island deituriko irlara egin beharko du bidaia Ashecliffe segurtasun handiko ospitale psikiatrikora. Bertan argitu beharreko inkognita baten aurrean aurkitu dira, bai bera, eta baita bere lankide den Chuck ere: kanpoaldetik giltzez itxita dagoen gela batetik alde egitea lortu du hiltzaile arriskutsu batek.

Nork lagundu dio hiltzaile arriskutsu horri bere ihesaldian?

Rachel Solando emakume gaztea da bera, bere hiru seme alabak ito zituen laku batean, eta dirudienez ospitaleko hiltzailerik arriskutsuena da bere hilketa onartzen ez duelako.

Honen desagerketa argitzea oso garrantzitsua da, eta honetarako, hiltzaile honek utzitako eskutitzak baino ez dituzte izango kasua argitzeko bi detektibeek, baina ospitalean laguntza baino kontrako jarrerak aurkitzen dituzte, eta gure protagnistak konspirazio usaina hartuko dio guzti honi.

Hau da zehatz mehatz filmea hain interesgarri egiten duena; protagonistaren ustea ikusentzuleari kutsatzen baitzaio. Zoramenaren zoko ilunetan barneratuko gaituen master piece-a da.

ZINEA HEMEN, AUNTZAK HAN

Itxaronaldi luzearen ostean, hemen dugu azkenean Grant Heslov gidoilari, aktore eta produktore estatu batuarraren lan berria, 'The men who stare at goats'. Martxoaren 5ean estreinatuko den filmea, Espainian 'Los hombres que miran fijamente a las cabras' izenburupean aurkeztuko da.

Jon Ronson idazlearen elaberri baten oinarritzen den komedia honek, zine belikoaren parodia bat eskaintzen digu. Armada estatu batuarrak, botere paranormalak arma gisa nola erabiltzen dituen erakutsiko digu oso modu harrigarrian. Soldadu militarrak eta auntzak batera ikusiko diren lehenengo aldia izango da.

Zuzendari legez estreinatuko den Heslov-ek, artista handi eta ezagun askorekin egin du lan. George Clooney aktoreak 2005. urtean zuzendu zuen "Good Night, and Good Luck" filmearen gidoilari eta produktorea izan zen adibidez. Eta George Clooney bera aukeratu du bere debut-eko protagonista izateko.

Hala ere, ez da bera izar bakarra, izan ere aktore zerrenda izugarria baitu: Ewan McGregor ('Trainspotting'), Kevin Spacey ('La vida de David Gale') eta Jeff Bridges ('El gran Lebowsky').

BIDEOSLAVES

Artetzulu tv-ek eskaintzen dizkizue BIDEOSLAVES produktoraren lan nagusiak zuzen-zuzenean.
ON DAGIZUELA!

DENBORAK EZ DU DENA HONDATZEN

Teloia zabaltzen da, eta hara non agertzen den James Cameron gure begien aurrean. Urteak pasatu dira eta denborak aurrera egin du, hala ere badirudi maisu honen burua betiko legez %100ean dagoela. Alien, Terminator eta Titanic bezalako filme mitikoak sortu zituen artista bizirik da oraindik.

Eta bizirik dagoela diot, izan ere, aditu askok (artistikoki) hiltzat eman izan dutelako 1997. urtetik. Oso kritikatua izan da, "Munduko erregea naiz" ("Soy el rey del mundo" Leonardo DiCapriok Titanic filmean oihukatu zuen esaldi famatua) pantaila aurrean esan zuenetik egin izan dituen pelikulak direla eta.

High Heels and Low Lifes , Solaris , La Musa eta Entourage, izan dira azkenengo hamarkadan egin izan dituen filmeak, eta hauekin ez du arrakasta larregi lortu. Hala ere, pilak martxan jarri dituela ematen du, eta eskupean zuen karta erakutsi digu azkenik.

Avatar izan da bere apostu berria, eta oso osoan asmatu du, izan ere urteko estreinaldia izan baita. 1994. urtean sortu zuen estatu batuarrak lehenengo gidoia, eta 2009. urterarte bere proiektua plazaratu ez duen arren, itxaronaldiak merezi izan du.

Filmeak, 2154. urterarte eramaten gaitu, eta erakusten digu beste mundu eta izaki batzuk existitzeaz gain, gure sena ez dela ezertan aldatu. Gizakia, zapaltzaile eta menderatzaile bezala aurkezten du Cameronek, eta gainera naturarenganako dugun harreman kaxkarra oso era ederrean islatzen du.

Benetako maisu lan baten aurrean gaude, eta beste behin ere James Cameron handiak, zinearen mito bat sortu du.

SAIAKERA

Egun On MARI ANTON!
oraindik apur bat berde nabil blog-en kontu honekin, baina SAIATUKO NAIZ!
bizitzan dudan pasiorik nagusienaren inguruan arituko niaz: ZINEA! eta azkenaldian karteleran dauden filmak aztertuko ditut.
ongi etorri NIRE MUNDURA!